ليت قلبي من صخر لا يِحن و لا يـذوب

ليت قلبي من صخر / لا يِحن و لا يـذوب
و لا يدغدني شعوري لي شفـوف الهاويـه
لا يهمَنّي شروقه و لا يَهمنّـي ، غـروب
ع الفراق اليوم كلي عـن هواهـم ناويـه
يا قليبي لا تِرَخي / هدنتك امست حـروب
يكفي اني كم كبته كـم حزونـي طاويـه
ما بقى فيني مكانٍ يحتمـل منـه ضـروب
للعنا ما عدت اقـوى/ للجنـون امخاويـه
آه يا عمرن يعاني و الهوى فيـه امغلـوب
و الجراح ابكل نوعٍ في ضلوعـك حاويـه
كم تجرعتك حسافة كم تجرعتك حبـوب
ريتها تِسكّن ملامح مـن لهيبـه / ضاويـه
و لا فوايد من كلامي و الرضا فيّ امعطوب
و الألم ينهش حروفٍ ... للمآسي ، راويـه
قلب ما بيده يغير مـن معالمهـا اللعـوب
و الوجوه اليوم امست فـالأذى متساويـه
ما اقول الا سلامي / من بعد عذري وجوب
أحمل احلامي و أرحل / قبل أهوي ذاويـه
ما بقى للقول معنى مـا بقـى الا الهـروب
يوم مالي بالأمانـي و لا دموعـي / قاويـه
ليت قلبي من صخر / لا يِحن و لا يـذوب
و لا يدغدني شعوري لي شفـوف الهاويـه
لا يهمَنّي شروقه و لا يَهمنّـي ، غـروب
ع الفراق اليوم كلي عـن هواهـم ناويـه

::::::::::::::::